Tækifæri til orkusparnaðar stórra og meðalstórra skipa- opinn fyrirlestur

11. júní 2015

Fyrirlesturinn verður haldinn að Grensásvegi 9, klukkan 14 og eru allir velkomnir. 

Þann 11. júní næstkomandi mun Tuomas Riski, framkvæmdastjóri Norsepower, fjalla um lausn fyrirtækis síns til eldsneytissparnaðar fyrir meðalstór og stór skip, Norsepower Rotor Sail Solution. Þetta er fyrsta hagnýta lausn sinnar tegundar á markaði í dag og hafa tilraunir með búnaðinn staðfest möguleika á allt að 20% eldsneytissparnaði við hagstæðar aðstæður. 

Græna orkan hefur undanfarin ár staðið fyrir opnum fyrirlestrum sem varða vistvæna orkugjafa, í samstarfi við ýmsa aðila. Að þessu sinni bjóða Græna orkan, Hafið – Öndvegissetur um sjálfbæra nýtingu og verndun hafsins, og Nordic Marina til fyrirlestrarins. Samtök fyrirtækja eru stofnaðili að Hafið- öndvegissetur um sjálfbæra nýtingu og verndun hafsins.

Tækifæri verður til fyrirspurna og umræðna að lokinni kynningu Norsepower og boðið verður upp á kaffi. Fyrirlesturinn verður haldinn að Grensásvegi 9, klukkan 14 og eru allir velkomnir. Sjá einnig hér.

Skráning til þátttöku sendist til amk@newenergy.is.