Fundur fólksins

11. júní 2015

Fundur fólksins er lífleg þriggja daga hátíð um samfélagsmál í Norræna húsinu og næsta nágrenni þess dagana 11. til 13. júní.

Fundur fólksins er lífleg þriggja daga hátíð um samfélagsmál í Norræna húsinu og næsta nágrenni þess dagana 11. til 13. júní. Slegið verður upp tjaldbúðum og skemmtilegir kofar setja svip á hátíðarsvæðið. Þar munu hin ýmsu félagasamtök vera með starfsemi alla hátíðina. Í bland við líflegar umræður verða tónlistaratriði, hægt verður að kaupa bæði mat og drykk á svæðinu. 

SFS tekur þátt í hátíðinni og mun vera meðlimur í Tjaldi atvinnulífsins sem verður með fjölda fyrirlestra, mat og drykk fyrir gesti og gangandi. 

Hátíðin býður til samtals milli almennings, stjórnmálamanna og frjálsra félagasamtaka, þar sem opin skoðanaskipti eru leiðarstefið. 

Hátíðin er vettvangur til fyrir samfélagsumræðu og er öllum opin. Á dagskránni verða fundir, málþing, fyrirlestrar, tónlistaratriði og líflegar uppákomur frá morgni til kvölds, bæði innan og utandyra. 

Rætt verður um pólitíska hugmyndafræði á annan hátt en færi gefst í pólitísku þrasi hversdagsins. 

Dagskráin saman stendur af atriðum meðal annars frá:

• Öllum stjórnmálaflokkunum sem sæti eiga á Alþingi
• Stjórnarskrárfélaginu
• Rannsóknarmiðstöð ferðamála
• Samtökum atvinnulífsins
• Almannaheill
• UNICEF 
• Landvernd
• ASÍ - Starfsgreinasambandinu

Fundur Fólksins er fyrsta hátíð sinnar tegundar á Ísland en sambærilegar hátíðir eru orðnar ómissandi hluti af hverju sumri á öllum hinum Norðurlöndunum. Sú þekktasta er án efa Almedalsveckan í Svíþjóð, sem er orðin einn stærsti og mikilvægasti vettvangur sænskrar samfélagsumræðu.

Facebook síða viðburðarins er hér en dagskrá Tjalds atvinnulífsins verður birt í byrjun næstu viku.